Es drückt fest ir Brust, mi Körper sinkt id Madratze vo üsem Ehebett.
Mis Härz rutscht tüüf i mi Brustchorb u pumpet Steischwer ds Bluet i überhöhtem Tempo dür mi Körper.
Es isch Sunntinami.
Sit mim Erwache, schint der Räst vom Chartehuus zämme z stürze.
D Stimm würd Schwerer u i mim Hals bildet sich e Krot.
Die Schwarzi Wolke schlicht sig i mi Chopf. Der Abschied steit aa, öbd mir das aamerksch? i wisses ned.
Ds Härz pumpet iifrig witer, langsam bilde sich Risse.
Es isch als würd ds Bluet wo mis Härz verlaht, sich zu träne wandle, wo sich i mine Uuge sammle.
I denke dra, di unfreiwillig z verlah, de Schmärz het so viel i mire Seel zerstört.
"Isch das mis Opfer? HERR, i chas ned verstah."
I cha mi Schatz hie ned la gah "Herr i zerbriche dran".
Churz drufab fliesse d Träne.
De sicher Ort z verlah, i ds ungwüsse, let mis Härz entgültig la zerisse.
Nach däre Panikattacke am Mittwuch hani d Sanduhr gseh achiluufe, e frag vor Ziit.
I säge der mit schwerem Härze "I ha als probiert, es isch sowit".
Mi Blick trifft diner wunderschöne Grüene Uuge wo sich mit Tränewasser fülle.
Du griffsch zum Hörer, am andere Endi si miner Eltere.
Vor mine Tränegfüllte Uuge, verschwimmt d Notruefnummere ufem Bildschirm...
...Jitz starreni uf das Buech mit de Füf Buechstabe, vor mir ufem Schribtisch.
Um Mii um es paar Poloroidbilder wo dis Lache ziige, vo üsne Truumhafte Erläbniss.
Der Härzschmärz chlopfet aa, i nimene bewusst entgäge u halte de Moment vor Melancholie fest.
"Hie isch also de Ort Herr, de Ort wo du mi hesch welle ha?" Verstah duenis ned, aber o dass nimeni uf, als e teil vo dim guete Plan.
I danke dir mi Fründ, uf dis Wort isch sichere verlass. O weni dir das nem i däre Wält cha säge, er söll ders Usrichte.
Mi Fründ i vermisse jede Handschlag, jedes Bier u dis ufmunternde lache, es het e ganz wichtige Platz gfunde, i mim Härz.
I ha es Bild, wo mi a die Ziite erinneret mit dir.
"Danke Herr für die Trüüie Wägbegleiter u Danke für ds Gröschte Gschenk wod mir hesch chönne mache, i mim nu junge Läbe.
Sie isch ds bestä wos giit."
"Danke Schätzi, für de Respekt wo du mir schenksch, danke für dini Liebi u dini Ziit"
Dis usharre überwältigt mi,
"Diner Uuge löh mis Härz la schmelze u dini Stimm balsamiert mini Seel."
"Dis Sii vermisseni viel hie, drum schliesseni di ganz fest i miner Arme z nächscht mal wed bi mir bisch".
Das isch Therapie für mis Härz u so ziert der Stift bsunders, die leschte Ziile vo däm Text ned nume uf Papier sondern direkt i mis wehmüetige Härz.

-Diego Bircher