I glube a dii, was mi am meischte dran hinderet isch mini Box.
I gibe dir 4 Wänd woni di wott erkläre u dis denke begriffe.
4 Wänd wo di sölle beschränke uf öppis woni ha ufgschnappt u gläbt über Jahre.
Wasi oft vergisse isch dini Grössi.
Fern ab vo mire Vorstellig si diner Plän.
We so öpper die Wält het gschaffe, säg mir wie Naiv muessi sii um ds denke, dig voll u ganz chönne z verstah.
Miner Gedankegäng isch so chlii im Gägesatz zu dim.
I glube dass du grösser bisch alls miner Vorurteil gägenüber Mensche u ihrne Handlige.
D Einzigartigkeit vo dire Schöpfig, leht mi la stuune.
Herr, i stuune ab däne Markante Bärgstrukture wo du hesch gschaffe.
Wer bi ig für drüber z Urteile, was diner Plän si, weni doch weiss dass Du mi füersch us guet mit mir meinsch.
Wer bi ig ds Urteile was guet u schlächt, richtig oder falsch isch?
Herr u egal wo i stah i mim läbe u mit mim denke, schenk du mir Wiisheit wos mir manglet.
Schenk mir diner Uuge für die Sache woni nu ned gseh, aber gschaffe si i dire pracht.
Gib du mir Liebi für die Mensche woni z gfühl gibe das si ned gliebt si.
Mis Verhalte isch oft fehlerhaft u belastet us balast us vergangenem.
Vor luuter balast vergisseni, di Palast het d tüüre für jede Mensch offe.
Also la mi ging wie meh dini Liebi erfahre, achibroche uf mis verständnis.
Will i bruche dii, dini Gnad u dini Güeti für ds Läbe.
Danke darfi ii chline teil si vo dem wo du hesch gschaffe.
O i däne Täg woni innerlich Liide darfi di erläbe, dini Wort & dini Liebi isch d Motivation witerzmache.
Danke darfi all die Mensche a mire Siite ha, wo eifach da sii.
Herr Sägne du grad jede, wo die Gschribene zille hie liest u es Stück vo dir i mim Härz darf gseh.

Diego Bircher