Es leschts Gebätt, im Bett,
Guet Nacht,
Es wird Spooky,
Es Weichs Härz, ir Herte Realität,
Der Mitternachtschilchegloggeschlag ertönt,
Bi hinder Feindliche Linie Aaglangt,
Im Schussfäld, usser Sichtwiiti, im Chrüzfüür, Patronehülse berühre der Heiss Undergrund,
Schleppe mii die letschte Meter, Todeszone,
Loufe em Schicksalsschlag dervoo, dä Geister id Arme, wie ä Armee versammle Sie sich.
Da steit plötzlich de Typ vor mir, miter Pistole ir Hand, was machi jetz, dä drückt a...
Ä lute Knall, Sinke uf d'Chnöii ii,
Um mii um ä Hölle Lärm,
D'Ouge wiit ufgrisse, Schweissbadet, Todesstilli, bi Wach, d'Frou näbedrann schlaft.
Für mii nume ä Alptroum wie usem Film,
Für anderi Alltag, Alex Kühni Standart.
Stärbe für Gott, Allah u ds Vaterland,
D'Muetterärde wird nid verschont,
Friede nid Garantiert, derfür PTBS.
Chriegslaschte, Todessünde, Zwüsche Schlachtfäldszenerie u Schützegrabedräck,
heimer Bluetrusch im Härz.
Im Oste bombardiere sich Mensche mit Bombe u im Weste wärde mir mit Wort Massakriert, bis mir üs nüm sälber erkenne.
Mir Missbruche Wörter für Sache z'erkläre wo mir nid verstöh, Ängst, Depression, Panik u Zwäng, für die breiti Masse ä Massevernichtigswaffe.
Sii aktuell Sälbstzerstörerisch ir Massephase,
Mässe Mass ohni sälber i ds Mass z'passe.
Katagorisiere, ds Dänke nid witerentwicklet, setzte uf Kartografie vo früecher,
würke Schublatisiert.
Mir Ackere als were mir Buure, würde mir Gsellschaftlich Achere, würde meh Buure.
Würde mir meh ir Gsellschaft Ackere würde mir weniger Verbuure.
Mir würde üs zwar nume mit meh Dräck beriichere, als mir scho hei, zuegäh.
Wett o derzue köre, ha aber ke Are, kes Stückli Land z'Schwede.
Mir Kört nüd ii Ghöre nume, ds einte mal wiit wäg u ds andere mal im Verbiigang,
Weiss nid was Sie mit däm Rusche wett säge.
Ghöri nüm guet, Ghöri nüm Schlächts,
Ghöre nüm Guets.
Mir Ghöre meh vom Ghöre säge wie Ghörlosi wette mir doch nume Ghört wärde.
I chönnti Schreie, aber das brucht überwindig, dänke dra vo paar Jahr, woni am Stüür vor Luuter Seeleschmärz fasch wer druf gange, ha mi gfüehlt wie ne Irre.
Sit denn Irreni umhär sueche mii Platz u chume aa u glich nid.
Löh üs nüd bessers la belehre, benäh üs wie Könige u verwundere üs das mir glich Stärbe.
Hei vergässe das D'Chrone Schwer wiegt,
Sie drückt dim Houpt ä Last uf,
D'Senfte nume ä Lastwage.
D'Gsellschaft luegt wäg, als wers d'Chrützigung vo Jesus.
Stimme verwirre üs, Dramatischi Stimmig,
Linkin Park, The Emptiness Machine,
Emily Armstrong, Mike Shinoda,
Schwimme imne Meer us Tön, Schregtonlag ufem Monochord, schreits wie Wolfsmonddur.
Köre Froue Schreie am Grab vo ihrne Männer,
Als würde Mässerklingekläng im Härz stecke,
Wiene Ougewasserfall, Träneduschi.
Ha Fründe im Himmel u Schmärze us der Höll,
Ha Guets u Böses, Kenne Fluech u Säge,
Kenne Schmärz u Vergäbig,
Kene der Schmärz vor Vergäbig.
Ha Tinte u Papier, Schribe mis Liide.
Schnide mis Härz i Stück, Hilf mir! I Verblüete,
Dräihe mii scho Ewig im Kreis, die nächschti Station isch wie die leschti Station, Endbahnhof u ner wieder vo vor.
Die Zimmer gseh all glich us, glichi Wandfarb, Wiis, glichi Möbel, hie chani nume Schwarz Male wie uf Wisse Liinwänd mit Kohle.
Chridewiss, uf Schwarze Böge, Mad.Charcoal.
Aber hei, alls louft Rund, Schwarz, Wiss, Schwarz, Oreobunt.
Wissi Rösser i Schwarze Bärge, Islandschafte.
Verstecke mii hinder de Zille wo ii Schribe. Geits eim guet, geits eim besser, giengs eim Besser, giengs eim Schlechter.
Wissi Weste mit schwarze Akzänte, Dräckig.
Dräckigi Strasse, Strassestoub us Gold,
Gold us Mine, Mine us Lächle,
Ihri Mine sii zum Glück nid Scharf.
Bleistiftmine Schribe nid Ewig,
Drum Schribi mit Tinte, als miechs ä Sinn.
Lache ohni ä Mine z verzieh, Vergangeheit.
I vergange i Zuekunft irgendwenn,
We sich de die Wolke Verdunkle,
Miner Ougeklappe schliesse,
Mini Seel Friede findet, Heilfroh,
Mis Härz nem schleht, chani säge i has gseh.
Es isch schön gsii, Schmärzhaft aber i bi Gebore am ne Fläck Ärde wo sich het aagfüehlt wienes Paradies.
Es stückli blibt zrügg egal wenns so wiit wird sii, God Saved me, nennes Gschribes.
Dank Gott hani dörfe Läbe u zu ihm darfi irgendwenn ga, liege de irgendwo Quer übere Friedhof ir Nechi vo mine Fründe uf Ewig, Prost.

-Diego Bircher