D'Matratze sinkt ii, ds Härz ir Brust oo, probiere iizschlafe, zminscht paar Stund, morn ischs sowit, cha gah, Heim zue.
D'Gedankekreise nid viel weniger, aber es geit. Ned Lang siit d "Wehmuet", d'Zille het gschmückt, es geit schnäll, der Ustritt speter als erwartet aber nid z'früii, ha mir die Ziit gla das Schwere Härz chli abzlade,
Sächsähalb Wuche, z Fazit es het sech glohnt. Ds Schribe es Gschenk, womit der Druck chli het nahglah.
Es isch nu gnue übrig blibe, ke Angst. D'Kunsttherapie het inspiriert,
mi het Mensche gseh ufblüüie, es schöns Bild, es unschinbars Talent endtdeckt.
Viel sii cho, es paar si gange u wenig sii gsii woni bi cho, wo nu immer da sii.
Der Luuf vor Ziit, nimmt sii Luuf, Natürlich.
Ha viel a di dänkt u Gschriebe.
I ha dir e chline Grabstei gschliffe, für dir numal "Tschüss" z säge, der Schmärz nu chli ir Brust aber d Liebi oo, es chunnt glub guet.
Ds Bier hüt Abe wird Bitter -Süess will igs genau so wott, nüd ungwöhnts,
wie der Schriftzug ufem Stei,
"Es Bier für d Seel",
für dii es aadenke vo mir.
Der Prozäss am luufe,
Im Härz iiprägt, u so wies isch gsi
wottis Akzeptiere u bhalte, bi mir.
Reservier mir e Tisch dert obe, stell ds Bier Chalt, i blibe nu chli, solangs geit u iis ir Hand ha, du versteisch mi ja.
Im Endeffekt..."-Es müesse all üser Lache glachet sii u all üser Träne grännet, was o immer sich üs derdür offebahrt, es isch ds Läbe wo sich drinn zeigt, und es isch immer es Gschenk sich dermit z verbinde".
D'Blueme vor usse blüiieh witer, bim Huus S,
bi drinn em Rosenberg übere Wäg gloffe,
per Zuefall, wes dä giit überhoupt.
Inspiriert dür ihn, die leschte Zille.
D'Emotione so übere z bringe u sich
richtig uszdrücke isch gmeint dermit.
D'Angst was chunnt blibt, het sich ned alls zum guete gwendet, aber es geit vorwärts.
S'isch mir nem Leng wie Breit, eher wie es Memory, i weiss was under de einte Charte isch u gseh viel parallele,
jitz gilts die Richtige passend use z Fische.
Ufzdecke was verborge, verbinde u d Charte ufe Tisch lege, offesichtlich.
Liechter gseit als Gmacht, d'Konzentration nu ned voll da, d'Unrueh plaget mi nu.
D'Dankbarkiit schmückt derfür ds Härz,
ha mir ä Base ufbuut woni cha umgah dermit.
Ha mir überleit was mis Umfäld söll sii, ha es paar Antworte gfunde, nid uf all die Frage woni ha gstellt, aber o das isch okei.
D'Kritiker kritisiere u die meischte Schwüge, wie geng.
So wie si scho hei gseit u i erwähnt.
"I ha Angst, es wärdi Kunst, drum sägis so diräkt. I ha Angst das alli dänke u niemer öppis seit".
Stellsch d Wiisheit i Frag, wosch öppis Handfests? Cha dir nume paar Zähnd aabiete, vom hindere Egge im Muul,
falls das wettsch,
Ha se ned Gässe mitem Löffel, sie si nu drin,
d Tasse im Schrank, hoffi zminscht.
Ds Dahiime vermisst, es isch Ziit zrügg z cho u sich es paar Täg Usziit z'näh, när geits witer.
Zueversicht isch halbwächs da aber dermit d Ungwüssheit oo.
D Versicherige, versichere der Monatlich e biitrag abzzieh vom Lohn, aber Zahle lohnt sich nid, für sie.
Wie seit me so schön, der Ton macht d Musig. Anders gseit Schwüg u Tanz, mit de Medis etcetera, also hani Tanzt i ihrem Takt,
Der Takt enderet sich bald, bestimmt.
D'Musig spielt imne andere Takt als i wott,
Off Beat chani o wes muess sii,
ned ufe Punkt bracht ihri Papierschlacht.
So geit das Spiel ir Schwiiz, Komplex u schwierig, Versicherigstechnisch.
Psychischi Chrankheite ned iikalkuliert, d'Zahle stige, d Finanzabteilig louft uf Hochtoure, wie der Peter von Känel u der Chrigel Maurer. Chranki Type, d 4'000er abgloffe, i 51 Täg.
Inspiration user Region, für d Region,
e M Besser oder eifach Respäkt.
Wirde die nächschti Ziit bruche,
ds Härz chli z erliechtere,
z Schribe söll blibe,
Viel Muet u zuesprüch übercho,
So geits einigermasse,
sich under d'Mängi z'wage.
D Wehmuet plaget u naget nu chli a mir,
Chli weniger als i vergangne Tage, aber da.
I däne Menschemasse sich nid z'verliere
nüm gwanet, nä chli besser gwabnet.
Danke für dä, öppis chli Wohltuends für d'Seel.
Dankbar i d'Zuekunft blicke, mitere Schöne Dame a mire Siite, chas chum erwarte di dörfe z'Küsse, du bisch die Beschti Stützi gsi wo me sich cha vorstelle,
ke Krücke brucht aber nid alls guet gsi, immer,
Ghumplet Geistig, aber "Humble" im Härz, der Seelefriede chert ii, Bodeständig uf Bärndütsch,
D Wehmuet tropfet vor sich hii, Lethargisch.
I weiss das du zu mir hesch Ja gseit,
Mi liebsch wieni bii, du bisch ds Beschte,
Danke, für immer uf dii...

-Diego Bircher