D'Pouse isch gschafft, der Unterricht het aagfange, Gott sei Dank.
Herabschouendi Blicke zieh a mim Sitzplatz verbii, paar Meter hinder mir, ghöri ä Dummi bemerkig über mii, dä het gsässe.
Da stigi nid druf ii, Riss dii zäme, tigg nid us, das isch das wo sii wei o ds Gmüet blüetet.
Bi em Mr. Bean ähnlich, gfange i däre Stilli,
Gseh nume d'Wandtafele, vore Chopf gstosse bis aa Aaschlag.
Chride Wiss, ir Hand u mis Gsicht.
Zeichne öppis uf u Schäme mii, d'Lösig Richtig, d'Lösig richtig, Schribe witer.
Sie beobachte mii zwöi Reihe hinder mim Pult, ii gspüres, als würde sii mir ii Nacke schnuufe.
Jede Schritt, jedes Wort würd gäg mii verwendet ir Siebte u ir Achte.
Bis ii sälber alls hinderfrage.
Das Sieblet, macht dii Unsicher.
Du Passisch uf was du machsch,
Wie du geisch, wie du Redsch.
Laschs über dii la ergah, wie ds Winterbade.
Fröisch dii ab chlinem, nume nu Sächs Minute när chani us däm Dräck, Hei zueh gah.
Schnäll use, aalege u schiebe bevor ii mii erchelte, abem Wasser oder dä Wort.
Stöbsle die Ohre u Schreie bis z'Echo verhallt ir veriisste Seel, d'Liebi verhertet sich denn.
Ha die lääri gschlückt u jitz muessi se Verdoue, oder use Chotze.
Pflücke die Rose vor mine Ouge.
Mis Saitespiel isch ufzoge i de Ohre, ii Zupfe die Bletter wie Harfesaite.
Sie liebt mii, Sie liebt mii nid, Sie liebe mii, ii Liebe Sie, ii Liebe nid, wie Liebe ii?
Dänke nache über dii, mii u sii.
Villich tuet mini Liebi nume Weh,
Villich bini gar nid so für Liebi gmacht,
Villich bini eifach ä Dorne i däre Rosepracht.
Füehle mii wie es Wrack uf hoher See.
Mit Depressione u Traumata isches Gnietig,
Sie füehle sich aa als wer sii mii Kaishaku,
Mii Ehrevoll begleiter.
Ha Mässerstiche im Körper wie bii Igle.
Mini Wüestedürquerig, Naturkatastrophe,
Kaktusfiige nähre mii, mis Überläbe hangt am ne Rosshaar wie ds Damoklesschwärt.
Das Härz pumpet ds gliche Bluet dür mii Körper, mii Chopf, ds Härz u d'Seel sii gloub Bluetsbrüeder oder so Ähnlich.
I verblüete u Rolle mir der Rot Teppich us,
Knapp am Läbe verbii.
Miner Chnöche vertröchne im Bluetverlust,
Dä Läbenssaft isch befremdend.
Gstorbe i de eigete Vier Wänd woni erbout ha, mis Hirn isch verchert, es macht ke Sinn, dass sich alls dräiht u ii alls versueche ufzsuuge wie ä Tornadespirale für dass alls woni aalänge usser Kontrolle gratet.
Ds Läbe isch oft z'Wahr zum Schön z'sii.
D'Liebi schinnt oft z'Schön zum Wahr z'sii.
Sie säge mir ii sött der Gägner kenne.
Wie, weni nid mal mii sälber kenneglehrt ha.
Mini Liebi erschinnt mir wie Glochide.
Es isch als würdi ä Kakteä Umschlinge
u se nid chönne los lah.
Ischs i mire Hand, wie die paar Bletter?
Villich muessi se usrisse u la gah.
Las se keiie die Bletter,
Wie Fädere flüge sii dervoo.
Wie Bunti Vögel flüge Sie wie denn uf das Holz u nähme Platz näb dä Äst wo iiprägt sii.
Las lah Rose rägne, wie denn, lase la wägg tribe, am Chrütz verbii, id Ärde ache.
Füehre Sälbstgspräch allei, mit mir Sälber,
wie denn ufem Schuelwäg gäge Hei zue.
Ha alls versuecht z'Kontrolliere u verseit.
Ha d'Diskussione scho düre, bevor sii ersch aagfange het, bi uf alls vorbereitet.
Miner Ougehöhli befülle sich mit Träne,
Ds Ougewasser geit mir dür Mark u Beii,
Räge, d'Träne nume ä Tropfe ufe Heiss Steii.
Rede witer nume zu mire Reflektion,
Wie ä Seeuferspieglig,
Wiederspiegli nume was mii umgitt, Verschwumme nid so Scharf, bi Kaputt.
Ha ds Gfüehl, Ha kenner,
Gfüehlslosigkeit entwendet d'Liebi entgültig.
Verletze nume die Gfüehl vo mine nechschte,
Versetze die Mensche wie Schachfigure,
Bii ä Springer u bewege mii Schreg,
briche d'Kante, schliche liislig als hetti ä Stofffätzesohle, mache mii usem Stoub,
s'isch wie Schatteboxe mit dä Wänd.
Liebe Gott Wäge dir Läbi hie,
Wäge dir liegi hie, Wäge dir Stirbi hie,
Wäge dir bini hie uf dem Fläck u frage mii was us mir würd, stellsch mii häre, lueg sälber,
So füehlt sich grad aa.
Schwimme gäge Strom,
Kämpfe gäge Dämone,
Am End holt mii Gott,
Die Gstalte usserhalb vom Fenster,
warte uf mii Tod.
Verletze nume die um mii um,
mit mire Gfüehlslosigkeit.
Das mini aktuelli Verdammnis,
die isch so verdammt schmärzhaft.
Bruche Gester nume Eii Grund zum Kämpfe,
Bruche Hüt nume Eii Grund für z'Schribe,
Bruche Morn nume Eii Grund für z'blibe.
Bewege mii wägg, vo däne Bletter,
Mini Hand verstiift sich, lüpfe dä Stift.
Griffe nach de Stärne, wie Gott wenner die Stärnschnuppe über ds Himmelszält zieht.
Ii Schnupere gloub ar Freiheit.
Therapie isch mini Uno Reverse Charte.
Ä Chance ä andere Wäg z'gah, als ii bi gange.
Las so lah Stah wies ds Tintefessli, Halbläär. Las lah gah wie dii us mim Läbe, mii best Fründ, muess ohni dii uscho, es isch okei.
Wott mii all däm stelle, bi mäh aber gfüehlt nid gwachse, bi nid ufer Höchi.
Ha villich z'Gross träumet vo Fründe bis a z'Änd, ds viel Aasprüch ka a üs.
Willkomme i mim Härz,
hoffe du hesch dis bhalte,
Im verlouf vo dä Jahre.
Das hie isch mis, ha dir vergäh.
Es tuet nume nu Weh, drum schribis uf.
Öppis wo mir glich ufer Zunge brennt,
ii Gratuliere zu dire Hochziit.
Zum Schluss, LG aa dii, i denke a dii.
I verdanke dir viel.

-Diego Bircher